| ☜56 |
57
English • Latine
|
58☞
|
pulchre convenit inprobis cinaedis,
Mamurrae pathicoque Caesarique.
nec mirum: maculae pares utrisque,
urbana altera et illa Formiana,
inpressae resient nec eluentur: 5
morbosi pariter, gemelli utrique
uno in lectulo, erudituli ambo,
non hic quam ille magis vorax adulter,
rivales sociei puellarum.
pulchre convenit inprobis cinaedis. 10
No comments:
Post a Comment